तीजौ पेपर : जून 2014

1. ‘आज समाज मांय मिनखाचारौ घटतौ जावै है।’ इण वाक्य मांय ‘मिनखाचारौ’ शब्द कांई है?

A जातिवाचक संज्ञा
B विशेषण
C भाववाचक संज्ञा
D व्यक्तिवाचक संज्ञा

2. ‘डिंगलकोश’ किण री रचना है?

A कविराजा मुरारिदान
B गणेशपुरी
C सेवग मंछाराम
D पालावत बालाबख्स

3. ‘आंख्यां मांय पांणी नीं होवणौ’ मुहावरै रौ अरथ है?

A दिखाई नीं देवणौ
B लाजहीण होवणौ
C आंख्यां फेर लेवणौ
D बैठा बैठा रोवणौ

4. ‘लिछमण खेलैला’ वाक्य में काळ है?

A भविष्यत
B भूत
C वर्तमान
D समकालीन

5. भाषावां रै विकास रौ मान्य क्रम है?

A संस्कृत, अपभ्रंश, प्राकृत
B संस्कृत, लौकिक संस्कृत, अपभ्रंश
C प्राकृत, देवभाषा, अपभ्रंश
D संस्कृत, प्राकृत, अपभ्रंश

6. राजस्थानी भाषा रै व्याकरण मुजब संबंध कारक ‘रा’ विभक्ति चिह्न है?

A में, मांय, परै
B रा, रे, री, रौ
C हे, अे, अरे
D सारू, वास्तै, तांई

7. ‘अ’, ‘आ’ ध्वनि रौ उच्चारण स्थान है?

A ताळू
B नासिका
C कंठ
D दांत—होठ

8. पैला अर तीजा चरण मांय 13—13 अर दूजा अर चौथा चरण मांय 11—11 मात्रावां वाळै छंद रौ नांव है?

A छप्पय
B दूहो
C धनाक्षरी
D मंदाक्रांता

9. ‘सागर पूछै सफरां, आज रतंबर काह।
भारत तणी उमेदिया, खाग झकोळी मांह।।
— इण दूहै मांय किसौ काव्य दोष है?

A अपस
B हीण
C पांगळौ
D छबकाळ

10. किसै क्रम मांय राजस्थानी रा सगळा शब्द पुल्लिंग है?

A घर, मेह, उदई, टिलोड़ी
B घाट, सूंठ, बागड़, बिदाम
C घर, मेह, मतीरौ, नींबड़ौ
D मेह, मतीरौ, खीर, राब

11. नीचै लिखियौड़ी मांय सूं किसी बोली राजस्थानी री नीं है?

A कन्नौजी
B बागड़ी
C मेवाती
D मालवी

12. ‘रामलाल कैयौ कै वो आज आपरै टाबर नै लेय’र स्कूल गयौ।’
— इण वाक्य मांय ‘वो’ शब्द किसौ सर्वनाम है?

A संबंधवाची
B अन्य पुरुष
C मध्यम पुरुष
D उत्तम पुरुष

13. किसौ छंट 23 मात्रावां रौ व्है, अर 13—11 मात्रावां माथै यति व्है?

A सांणोर
B नीसाणी
C झूलणा
D नाराच

14. ‘राति’ज रूनी निसह भरी, सुणी महाजनि लोई।
हाथाळी छाला पड्या, चीर निचोई निचोई।।”

—इण दूहै रा भाव है?

A गरब रा
B सांती रा
C मान रा
D लाज रा

15. ‘सूजौ बीठू’ री कृति रौ नांव है?

A खुमाण रासौ
B वीरमायण
C राउ जइतसी रउ छंद
D संवतसार

16. ‘पातळ तूझ तणो ​पडियाळग
रूधिर चरचियौ सदा रहै।”
—इण ओळी में आयोड़ै शब्द ‘पडियाळग’ रौ अरथ है?

A खड्ग
B भालो
C नेजो
D बख्तर

17. राजस्थानी मांय सै सूं पैलां ‘संस्मरण’ कुण लिखिया?

A श्रीलाल नथमल जोशी
B शिवचंद भरतिया
C अगरचंद नाहटा
D जयाचार्य

18. नरहरिदास बारहठ री कृति रौ नांव है?

A अवतार चरित्र
B बळवद् विलास
C हरिरस
D महादेव पारवती री वेलि

19. ‘लिंग्विस्टिक सर्वे आफ इंडिया’ सूं जुड़ियोड़ौ नांव है?

A बरकत अली
B डॉ. ग्रियर्सन
C जूल ब्लॉक
D वॉटसन

20. ‘जलम अकारथ ही गयौ, भड़ सिर खग्ग न भग्ग।
तीरबा तूरि न मांणिया, गोरी गळै न लग्ग।।’
—इण दूहै मांय किण काळ री मानतावां परतख व्है?

A भविष्यत काळ
B रामायण काळ
C मध्य काळ
D पौराणिक काळ

21. ‘डफोळाष्टक डूंडी’ रचना रौ कवि है?

A बांकीदास
B नाथूदान महियारिया
C उमरदान
D करणीदान

22. किसी रचना समयसुंदर री लिखियोड़ी नीं है?

A सीताराम चौपई
B मृगावती रास
C नळदमयंती चौपई
D मगन चरित्र

23. ‘वीरा रस सिण्गार रस, हासा रस हित हेज।
सामधरम रस सांभलउ, जिम होवइ तन तेज।।
—इण ओळ्यां मांय ‘स्वामी धर्म’ नांव सूं दसवैं रस री कल्पना किण कवि कीनी है?

A धर्मवद्धन
B हेमरतन
C ईसरदास
D जिनभद्र

24. ‘वचनिका राठौड़ रतनसिंघ महेसदासोत री’ कृति रौ कवि है?

A जग्गा खिड़िया
B कुंभकरण सांदू
C कल्याणदास
D नरहरिदास

25. ‘बरसां रा डीगोड़ा डूंगर लांघिया’ कृति रा कवि है?

A कन्हैयालाल सेठिया
B लालदास राकेस
C चंद्रसिंह बिरकाळी
D नारायणसिंह भाटी

26. इण मांय सूं किसी रचना ईसरदास बारहठ री नीं है?

A हरिरस
B देवियांण
C उमादे भटियाणी रा कवित्त
D हालां—झालां रा कुंडळिया

27. नीचै​ लिखियोड़ी किताबां मांय सूं किसी कृति नाटक री है?

A रात—कसूंबल
B धरम—जुद्ध
C तीखी धार
D सुर देवता

28. किसी काव्य शैली राजस्थानी भाषा री नीं है?

A चारण शैली
B जैन शैली
C लौकिक शैली
D पिछवाई शैली

29. ‘शकुन विचार’ री दीठ सूं किसौ नांव लोकचावौ मानीजै?

A कवि पीठवा
B रतनू चंद्राव
C सांखलौ हड़बू
D आसराव

30. किसौ शब्द ‘खेती’ सूं संबंध नीं राखै?

A हळ
B हाल
C नाई
D डागळौ

31. ‘टांग उपर राखणी’ मुहावरै रौ मतलब है?

A आपरी बात उपर राखणी
B टांग लैरावणी
C बात वधावणी
D टांग रै साथै बात राखणी

32. ‘भोजाउत भुजबळहि, करहि करिमर कालासी।’
—इण काव्य—ओळी मांय अलंकार है?

A उत्प्रेक्षा
B बयणसगाई
C यमक
D संदेह

33. नीचै लिखियौड़ै राजा अर कवि रै समकालीन जोड़ै मांय सूं किसौ जोड़ौ गळत है?

A हरराज—कुशळलाभ
B दुरजणसाल—हूंफकरण
C मानसिंह—बांकीदास
D जैसल—बीठू रंगरेला

34. नीचै लिखियोड़ा मांय सूं किसौ लेखक राजस्थानी कहाणीकार नीं है?

A करणीदान बारहठ
B नृसिंह राजपुरोहित
C मरूधर मृदुल
D ओम प्रकाश भाटिया

35. ‘सावण सुरंगो ओसरयौ’ निबंध संग्रै रा लेखक है?

A मंगत बादल
B रमेश मयंक
C श्याम जांगिड़
D मालचंद तिवाड़ी

36. ‘संग सखी कुळ वेस समाणी
पेखि कली पदमिणी परि।
राजति राजकुंअरि राय अंगण
उडीयण वीरज अंब हरि।।”
— इण पद मांय कवि किण नायिका रौ सौंदर्य बखाणियौ है?

A पदमणी
B रुकमणि
C मारवणी
D राधा

37. राजस्थानी मांय नीतिपरक संबोधन शैली काव्य रा सिरै रचनाकार मानीजै?

A दीनजी
B सांदू चंडीदान
C गाडण शिवदास
D कृपाराम

38. नीचै लिखियोड़ा मांय सूं किसौ कथन सही है?

A ख्याल लोककथा है।
B ख्याल स्वांग रौ एक रूप है।
C ख्याल संगीत नाटक है।
D ख्याल डांडिया गेर है।

39. ‘गोरा बादळ पदमिनी चरित्र चपउई’ काव्यकृति रा रचनाकार है?

A पदमनाभ
B हेमरतन
C शिवदास
D जल्हण

40. ‘बिणजारौ’ पत्रिका रा संपादक है?

A नागराज शर्मा
B गौरीशंकर शर्मा
C अंबु शर्मा
D हेतराज शर्मा

41. ‘परसरामपुरा री छतरी, अर बीलवै रौ बड़।
ग्यानदास री बावड़ी, तीन्यां री एक जड़।।”
— इण उक्ति रौ संबंध किण अंचल सूं है?

A मारवाड़
B मेवाड़
C शेखावाटी
D बागड़

42. साहित्य अकादेमी, नई दिल्ली सन् 2012 में ‘आंख हीयै रा हरियल सपना’ राजस्थानी कृति नै पुरस्कृत कीनी ही। इण पोथी रा रचनाकार कवि है?

A डॉ. जयप्रकाश पंडया
B डॉ. माधव हाड़ा
C डॉ. माधोसिंह इंदा
D डॉ. आईदानसिंह भाटी

43. ‘कालक्रम री दीठ सूं किसौ क्रम सही है?

A चंदरवरदायी, शिवदास गाडण, सूर्यमल्ल मीसण
B बांकीदास, उदयराज उजळ, जांभोजी
C नरोत्तमदास स्वामी, यादवेंद्र शर्मा चंद्र, दुरसा आढा
D नारायणसिंह भाटी, हरीश भादानी, ​केसरीसिंह बारहठ

44. किसी कृति अन्नाराम सुदामा री नीं है?

A मेवै रा रूंख
B आंधी अर आस्था
C दूर दिसावर
D घमसाण

45. ‘रज्जबजी’ किण रा चेला हा?

A कबीरजी रा
B सुंदरजी रा
C दादूजी रा
D मानजी रा

46. ‘राजिया रा दूहां’ मुजब किसी बात डोकरियां रै काम री नीं है?

A रोटी
B चरखौ
C राम
D राज—कथा

47. ‘तिलवाड़ै रै मेळै’ रौ संबंध किण इतिहास—पुरुष सूं है?

A रावळ मल्लीनाथ
B राव जोधा
C रावळ मालदेव
D राव गांगा

48. नीचै लिखिया साहित्यकारां मांय सूं किसौ नांव हाड़ौती अंचल रै साहित्यकार रौ नीं है?

A प्रेमजी प्रेम
B अम्बिाकदत्त
C दुर्गादानसिंह गौड़
D ओंकारश्री

49. किण लेखिका रौ नांव राजस्थानी संस्कृति री कहाणियां लिखण सारू सिरै गिणिजै?

A रीना मेनारिया
B लक्ष्मीकुमारी चूंडावत
C मोनिका गौड़
D रचना शेखावत

50. डॉ. ग्रियर्सन री बतायोड़ी ‘अहीखाटी बोली’ राजस्थान रै किण जिलै मांय सै सूं घणी बोलीजै?

A भरतपुर
B सवाई माधोपुर
C अलवर
D जयपुर

51. ‘पग पग भम्या पहाड़, धरा छोड राख्यौ धरम।
महाराणार मेवाड़, हिरदे बसिया हिन्द रे।।”
—केसरीसिंह बारहठ री अै ओळियां किण राजा सारू कैयोड़ी है?

A महाराणा प्रताप
B महाराणा राजसिंह
C महाराणा अमरसिंह
D महाराणा फतहसिंह

52. ‘सवाई भोज’ नायक रूप में चरित्र है?

A पाबूजी री पड़ में
B बगड़ावत लोक गाथा में
C गळालैंग  लोक गाथा में
D हेड़ाउमेरी रम्मत में

53. ”कारड़ तो कैतो फिरै, हर कीनै हकनाक।
जीं री व्है वींनै कहै, हियै लिफाफो राख।”
—अै ओळियां किण कवि री है?

A ठाकुर गुमानसिंह
B ठाकुर उम्मेदसिंह धौळी
C महाराज चतुरसिंह
D महाराजा मानसिंह

54. किसी रचना ‘अस्तअली खां मलकांण’ री नीं है?

A उंडी दीठ
B रांम—सतसई
C उणियारा ओळूं तणा
D आमना रा सोरठा

55. नीचै ​लिखिया मांय सूं किसौ कवि हास्य रस रौ नीं है?

A विश्वनाथ विमलेस
B नागराज शर्मा
C बुद्धि प्रकाश पारीक
D कल्याणसिंह राजावत

56. आधुनिक राजस्थानी काव्य मांय मानवीकरण री दीठ सूं मनोहारी चितराम रचणवाळौ कवि है?

A सुमेरसिंह शेखावत
B मनोहरसिंह राठौड़
C शिवनारायण जोशी
D मोहनलाल पुरोहित

57. राजस्थानाी लोक साहित्य री महतावू विवेचन अर प्रकाशन करणवाळौ नांव है?

A बस्तीमल सोलंकी भीम
B डॉ. कन्हैयालाल सहल
C पुरुषोत्तम पल्लव
D डॉ. भगवतीलाल व्यास

58. ‘द्रौपदी—विनय’ रौ दूजौ नांव है?

A विलाप—बावनी
B प्रेम—इकहतरी
C करुण—बहतरी
D विनय—इकावनी

59. स्वतंत्रता संग्राम रै मूळ भावां सूं संबंध राखणवाळी कृति रौ नांव है?

A नागदमण
B वंश भास्कर
C बिन्है रासौ
D वीर सतसई

60. ‘नराणे’ मांय गादी है?

A दादू पंथ री
B नाथ पंथ री
C जसनाथां री
D वैष्णवां री

61. ”सूत मरियो हित देस रै, हरख्यौ बंधु समाज।
मां नह हरखी जनम दै, जितरी हरखी आज।।”
—इण दूहै रा रचनाकार है?

A सूर्यमल्ल मीसण
B नाथूदान महियारिया
C केसरीसिंह बारहठ
D केसरीसिंह रूपावास

62. स्थापत्यकला री दीठ सूं पीळै भाठै रा बारीक—कोरणी रा झरोखा कठै रा जगचावा है?

A शेखावाटी रा
B बीकानेर रा
C जैसलमेर रा
D बूंदी रा

63. लोक देवता ‘झरैड़जी’ री मां रौ नांव है?

A केलम दे
B सोढी सपियार दे
C मांगलियाणी लखां दे
D डोड—गेहली

64. नीचै ​लिखियोड़ां मांय सूं किसौ नांव राजस्थानी गजल रौ है?

A प्रेमजी प्रेम
B पारस अरोड़ा
C बुलाकी शर्मा
D कृष्ण कबीर

65. राजस्थानी री ‘गोडवाड़ी’ उपबोली बोली जावै?

A डूंगरपुर—बांसवाड़ा जिलै में
B पाली—सिरोही जिलै मांय
C उदयपुर—चित्तौड़ जिलै मांय
D जोधपुर—नागौर जिलै मांय

66. नीचै लिखियौड़ै वाक्यां मांय सूं किण वाक्य में व्यक्तिवाची संज्ञा आयोड़ी है?

A राजस्थान रा वीर देवतावां ज्यूं पूजीजै
B आज रौ मिनख रूंखड़ां रौ दुसमण है
C जोबन च्यार दिनां रौ पावणौ गिणिजै
D आ पोथी भारी है

67. नीचै लिखियोड़ा नांवां मांय सूं किसौ नांव उपन्यास लेाक रौ नीं है?

A सत्येन जोशी
B पारस अरोड़ा
C यादवेंद्र शर्मा चंद्र
D डॉ. देव कोठारी

68. नीचै ​लिखियोड़ी कृतियां मांय सूं किसी कृति कविता री नीं है?

A रिंधरोही
B कंवळपूजा
C पागी
D अंधार—पख

69. राजस्थानी मांय अंग्रेजी छंद ‘सानेट’ में कविता करणवाळौ सिरै नांव है?

A डॉ. सीपी देवल
B डॉ. तेजसिंह जोधा
C डॉ. नीरज दईया
D मोहन आलोक

70. आधुनिक राजस्थानी कहाणीकार रै रूप में किसौ नांव आगीवाण गिणिजै?

A सांवर दईया
B दुलाराम सहारण
C हरमन चौहान
D वीरेंद्र लखावत

71. किसौ नांव ख्यात—लेखक रौ नीं है?

A मुहणोत नैणसी
B दयालदास
C बांकीदास
D मोडजी आशिया

72. संत चरणदास री शिष्या रौ नांव है?

A रूपांदे
B सहजोबाई
C गवरीबाई
D चंद्रसखी

73. संत कवि धर्मवद्धन रौ संबंध है?

A निरंजनी संत परंपरा सूं
B जैन संत परंपरा सूं
C निर्गुण संत परंपरा सूं
D दादू संत परंपरा सूं

74. गिरधर आशिया रचित रासौ ग्रंथ रौ नांव है?

A सगत रासौ
B खुमाण रासौ
C परमाल रासौ
D राणा रासौ

75. भ​क्त कवि नागरीदास रौ संबंध है?

A जोधपुर सूं
B चित्तौड़ सूं
C किशनगढ सूं
D जयपुर सूं

——————–

Advertisements

जून, 2014 : दूजौ पेपर

1. ‘मरूभाषा’ रो प्राचीनतम उल्लेख किण पोथी मांय मिळै?

A. कुलयमाळा
B. रघुनाथ रूपक
C. नैणसी री ख्यात
D. रघुवरजसप्रकास

2. किसै क्रम री सगळी उपबोलियां मारवाड़ी री है?

A थळी, निमाड़ी, अजमेरी, गोडवाड़ी
B थळी, बाड़मेरी, जोधपुरी, गोडवाड़ी
C थळी, अजमेरी, तोरावाटी, कठैड़ी
D थळी, बाड़मेरी, रांगड़ी, गोडवाड़ी

3. किसै क्रम रा सगळा शब्द राजस्थानी रा नीं है?

A आगीवाण, अंतरजामी, अणपढ, सुरंगो
B सालीणो, धराउ, जीमण, गजबण
C इळा, कैर, कागलो, इरकांणी
D डूंगर, अदालत, गवरजा, कांठळ

4. वैग्यानिक दीठ सूं राजस्थानी रौ प्रथम व्याकरणकार है?

A नरोत्तमदास स्वामी
B सीताराम लालस
C रामकर्ण आसोपा
D उदयराज उज्ज्वल

5. ‘जोधपुर ऐतिहासिक नगर है।’ इण वाक्य मांय जोधपुर शब्द है?

A विशेषण
B संज्ञा
C कर्ता
D क्रिया विशेषण

6. ‘हाथ सूं रोटी खाउं हूं।’ इण वाक्य मांय किसौ कारक है?

A कर्ता
B कर्म
C सम्बंध
D करण

7. किसौ शब्द द्वन्द्व समास रौ रूप है?

A चंद्रमुखी
B साग—रोटी
C राजकंवर
D पंचकूटौ

8. ‘खाटौ आंबो कठा सूं लायौ?’ इण वाक्य मांय किसौ शब्द विशेषण है?

A कठा सूं
B आंबो
C खाटौ
D लायौ

9. राजस्थानी स्वर ध्वनियां किण नांव सूं जाणीजै?

A कक्को
B प्लुत
C स्पर्श
D बिलटी

10. दूजौ कै विरोधी भाषावां रै शब्दां नै मिळावणौ डिंगल—काव्य में किसौ दोष वाजै?

A छबकाळ
B निनंग
C अपस
D बहरौ

11. ‘वीसलदेव रासौ’ रा रचनाकार है?A पृथ्वीराज राठौड़
B भाउंड व्यास
C नरपति नाल्ह
D शार्डंधर

12. ‘निहालदे—सुल्तान’ लोक गाथा रौ कथानक है

A वीर रस प्रधान
B प्रेम प्रधान
C भक्ति प्रधान
D वैराग्य प्रधान

13. खिड़िया हुकमीचंद रौ नांव किण रस रै गीतां सारू सिरै मानीजै?

A वीर रस
B सिणगार रस
C हास्य रस
D करुण रस

14. ‘पुराणी राजस्थानी’ पोथी रै मूल लेखक रौ नांव है?

A डॉ. ग्रियर्सन
B एलपी तेस्सितोरी
C केलॉग
D डॉ. सुनीतिकुमार चाटुज्र्या

15. एकइ वन्न बसंतड़ा, एवड़ अंतर काय।
सिंघ कवड्डी ना लहै, गयवर लाख बिकाय।।
— औ दूहौ किण ग्रंथ रौ है?

A राजरूपक
B रणमल छंद
C हालां झालां रा कुंडळिया
D अचलदास खीची री वचनिका

16. ‘भगत कवि हरजी भाटी’ पोथी रा लेखक है?

A पुरूषोत्तम छंगाणी
B श्याम महर्षि
C डॉ. सोनाराम विश्नोई
D डॉ. रामकुमार गरबा

17. ‘अफळ रूंख अटकल परा उड जाये पंखी।
सर सूखौ संपेख, कोइ न हुवै तसु कंखी।।’
— धर्मवद्धन कृत इण कथन रौ सार अरथ है?

A मोवणौ संसार
B सोवणौ संसार
C स्वार्थी संसार
D लाखीणौ संसार

18. ‘वेलि क्रिसन रुकमणी री’ कृति किण क्रम री त्रिवेणी है?

A कला, भक्ति, सिणगार
B ग्यान, भक्ति, नीति
C वीरता, कला, भक्ति
D सिणगार, भक्ति, वीरता

19. ‘बालावबोध’ किण शैली री रचना है?

A जैन
B चारण
C संत
D लौकिक

20. मीरां री पदावली में किण भाषा रा शब्द नीं मिळै?

A राजस्थानी
B मैथिली
C गुजराती
D ब्रज

21. ‘उमादे भटियाणी रा कवित्त’ रा कवि है?

A ईसरदास
B माला सांदू
C सांदू हूंफा
D बारहठ आसा

22. ‘बीसलदेव रासौ’ काव्य में बीसलदेव जीतण सारू जावै?

A बंगाल
B बिहार
C कर्नाटक
D उड़ीसा

23. लोक मान्यता रै मुजब अधूरै पृथ्वीराज रासौ नै पूरौ कीनौ हौ?

A कल्हण
B पाल्हण
C जल्हण
D कल्लोल

24. ‘रघुनाथ रूपक गीतां रौ’ ग्रंथ किण कारण सूं चावौ है?

A चम्पू काव्य री दीठ सूं
B लक्षण ग्रंथ री दीठ सूं
C रघुवंश री प्रशंसा री दीठ सूं
D भगवद् गीता रै विषय री दीठ सूं

25. ‘रूठी राणी’ रै नांव सूं जाणीजै?

A उमादे भटियाणी
B सुपियारदे सोलंकियाणी
C चम्पादे
D कर्मवती

26. निराकार ब्रह्म री उपासना सूं जुड़ियोड़ा सम्प्रदा ‘अलखिया’ री घणौ प्रभाव राजस्थान रै किण संभाग रै किण संभाग में है?

A जयपुर
B उदयपुर
C जोधपुर
D बीकानेर

27. कवि वृन्द रौ जलम स्थान है?

A बालोतरौ
B लोद्रवौ
C मेड़तौ
D कुड़की

28. ‘ढोला मारू रा दूहा’ रौ संबंध किण स्थानां सूं है?

A नरवर—आमेर सूं
B पूगळ—नरवर सूं
C देरावर—लोद्रवा सूं
D पूगल—जैसलमेर सूं

29. ‘ढाढी बादर’ री रचना ‘वीरमायण’ रौ मुख्य छंद है?

A नीसाणी
B झमाल
C कवित्त
D छप्पय

30. राजस्थानी रौ दूहौ छंद किण री देन मानीजै?

A संस्कृत
B प्राकृत
C अपभ्रंश
D पाली

31. ‘राज बदळग्यौ म्हांनै कांई?’ आ ओळी किण कवि री है?

A भीम पांडिया
B मोहम्मद सद्दीक
C कानदान कल्पित
D गणेशीलाल व्यास उस्ताद

32. ‘लू’ अर ‘बादळी’ किण भांत रा काव्य है?

A नई कविता
B प्रगतिवादी काव्य
C प्रकृतिपरक काव्य
D राष्ट्रीय चेतनापरक काव्य

33. ‘आ धरती गोरां धोरां री’ कविता रा कवि है?

A गजानन वर्मा
B कन्हैयालाल सेठिया
C मेघराज मुकुल
D सुमेरसिंह शेखावत

34. ‘रामस्नेही’ सम्प्रदाय रा प्रवर्तक संत है?

A सुंदरदास
B रामचरण
C रज्जब
D संतदास

35. राजस्थान मांय ‘भारतीय लोक कला मंडल संस्थान’ किण जगा है?

A जयपुर
B बीकानेर
C उदयपुर
D कोटा

36. राजस्थानी मांय रेखाचित्रां रौ श्रीगणेश कुण कीनौ?

A मुरलीधर व्यास
B श्रीलाल नथमल जोशी
C भंवरलाल नाहटा
D मोहनलाल पुरोहित

37. ‘भित्त—चित्रां’ री दीठ सूं राजस्थान मांय किसौ अंचळ प्रसिद्ध है?

A मेवाड़
B शेखावाटी
C मेवात
D मारवाड़

38. ‘कान्हड़दे प्रबंध’ काव्य ग्रंथ रौ रचनाकार है?

A दुरसा आढा
B हेम सामौर
C गिरधर आशिया
D पद्मनाभ

39. राजस्थानी मांय तुकान्त शैली रौ गद्य वाजतौ हौ?

A विगत
B वात
C वचनिका
D ख्यात

40. निसाणी कांई है?

A अलंकार
B लोकगीत
C राग
D छंद

41. ‘राजिया रा सोरठा’ रचनाकार रौ नांव है?

A कृपाराम खिड़िया
B जग्गा खिड़िया
C चानण खिड़िया
D हुकमीचंद खिड़िया

42. ‘सरल अर संक्षिप्त टीका’ नै कैवै?

A औक्तिक
B टब्बा
C हित—शिक्षा
D बालावबोध

43. गोविन्दलाल माथुर रौ नांव किण विधा सूं जुड़ियोड़ौ है?

A कविता
B उपन्यास
C एकांकी
D संस्मरण

44. राजस्थानी लोक कथावां रा सिरै संग्राहक लेखक हैं?

A रावत सारस्वत
B नृसिंह राजपुरोहित
C कन्हैयालाल सहल
D विजयदान देथा

45. ‘साख भरै सबद’ राजस्थानी कविता पोथी रौ संपादन कीनौ है?

A डॉ. अर्जुनदेव चारण
B डा. सीपी देवल
C डॉ. शक्तिदान कविया
D नंद भारद्वाज

46. ‘बोल भारमली’ किण कवि री रचना है?

A लक्ष्मणसिंह रसवंत
B सत्यप्रकाश जोशी
C रामप्रसाद दाधीच
D कल्याणसिंह राजावत

47. नीचै लिखियौड़ी मांय सूं किसी कृति हरीश भादाणी री नीं है?

A जिण हाथां आ रेत रचीजै
B हूणिया रा होरठा
C बाथां में भूगोल
D हंसतोड़ा होठां रौ साच

48. ‘बणीठणी’ रौ​ चित्र किण चित्रशैली रौ है?

A नाथद्वारा
B बूंदी
C किशनगढी
D मेवाती

49. ‘काळी भली नह कबडाळी’ मुहावरै रौ अरथ है?

A किणी ई पक्ष रौ सही नीं होवणौ
B काळै पक्ष रौ सही होवणौ
C काळ अर कबडाळै रौ सही होवणौ
D धोळै रौ धाप’र सही होवणौ

50. ‘मातभासा नै माता रो स्थान अंत:करण है, सो उठै असर करणवाळी बात थेट काळजै री कोर सूं निकळियोड़ी आवाज ही होय सकै। आज ई राजस्थान रा घणकरा आदमी घर में मां—बाप अर लुगाई—टाबरां सूं राजस्थानी में बातां करै पण बारलो आदमी मिळतां ही खड़ी बोली में बोलणो सरू कर देवै। किणी आदमी सूं कोई गरज री अरज करणी है नै उणनै आपरी तरफ मोड़णो है तो दिल में असर पुगावण वाळी मातभासा में ही बोलणो पड़सी। सैकड़ां लोगां नै बडा—बडा अफसरां अर मंत्रियां सूं बातां करती वेळा राजस्थानी में बोलतां देखां, इणरो कारण है अंत: करण री कुदरती आवाज।”
— उपरलै गद्य—अवतरण रो अजरौ—ओपतौ अर सार वाक्य है?

A मातभासा असर करण आळी काळजै री कुदरती आवाज व्है।
B मातभासा सूं सैंकड़ू लोग प्रभावित व्है।
C मातभासा सूंं मेळजोळ बधै।
D मातभासा सूं लुगाई—टाबर खुस रैवै।

————-